محمد خلف الشمري : العفنقس الطحل !.

32

‏‫محمد خلف الشمري

العفنقس الطحل !.

وعفنقسنا اليوم هو إعلامي رياضي خليجي وقبل ما اقولكم القصة خلوني أعرفكم بمعني العفنقس هو الصديق ابو جهين اللي يعطيك من طرف اللسان حلاوة ويروغ عنك كما يروغ الثعلب بمعنى ان ماله رأي ثابت ولا شخصية مستقلة !.. تلقاه ان مشي مع المطاوعة قصر ثوبه وصار دين مايعجبه العجب بالعوام اللي بهم ومابهم !.. وان رافق العوام الدفيعه تغيرت احواله و نزل بساحة المتدينين وكل واحد ما يجي على رأيه ورأي معازيبه وأخذهم غسيل وكوي بخار !.. يعني هالعفنقس ماله مذهب يغير وجهه على حسب مصلحته يوم يكون واضح مثل الشمس ويوم يكون مثل الضباب منعدم الرؤية متلون في اخلاقه وكلامه وأسلوبه وتعامله وقبلهم متلون في ذاته !. وبعد هذا الشرح السريع لمعني العفنقس نرجع بالصلاة على النبي لموضوع قصتنا عن عفنقس اليوم !.. الذي للاسف قام بأسرع ( رود رنر المعروف باسم بيب بيب ) عملية انقلاب مواقف ( ثاني يوم ) ضد الإعلامي الكويتي ماجد المهندي بعد الترحيب به ووصفه بتغريدة بانه أغلى من يجي خلال تواجدهم بحفل جماهيري كبير قامت به إدارة نادي النصر ( اصدر بيان نفي توجيه دعوة ) في الرياض .. ولم يكتف ( العفنقس ) بحذف التغريدة التي ترحب بالمهندي بل إنه قام بشتمه بأوصاف مسيئة ( محشوم ) وزعم أنه تفاجأ بفيديو المهندي عبر قناة “الكأس” !.. الذي قال عنه المهندي أن فيديو شكره لقطر لم يحمل إساءة إلى السعودية لان موقفه محايد في الأزمة الخليجية وبالأخير وقبل السلام اللهم اجعل كيد كل عفنقس بنحره .

ترك الرد

اكتب تعليقك
اسمك الكريم