الرئيسيةكتاب الرياضيمحمد خلف الشمري : اللي يحب النبي يضرب ياقدعان ؟

محمد خلف الشمري

اللي يحب النبي يضرب ياقدعان ؟

بيوم من الايام كنت جالس بمقهي من مقاهي وسط البلد بالقاهرة لا لي ولا علي .. ماغير جلست استمتاع بكوب شاي كشري (عيوني طايره يمين ويسار مع كل زول اشوفه) مو اكثر وربنا شاهد علي كلامي لان اخاف يروح بالكم بعيد ان انا ادخن شيشه ومن واحد لواحد ينتشر الخبر ويصير بكل سكه يمر لين يجي حارتنا .. ما عليه طلعت فاصل ورجعت لكم ثاني (يارب ما تركتوا المقالة ) الشاهد يا اخوان ماهي إلا كم دقيقه وفجأة وقف تاكسي ونزل سواقه والزبون اللي راكب معاه .. وبدت معركة حامية الوطيس اشي شلوت واشي بونيه على كم طراق متبادل الاطراف وقع على اثرها الزبون ارضا وعندها صاح السايق باعلى صوته قائلا اللي يحب النبي يضرب ياقدعان .. وماهي إلا ثواني وكل اللي بالمقهي والشارع وانا معهم نضرب الزبون (على ما اظن هذي نخوه ) ضرب لين انتفخ جلده ما تركناه إلا يوم سمعنا صفارة سيارة الشرطه عندها هرب الجميع وانا معهم قبل لا ادفع الحساب والزبون متمدد يسبح بدمه  .. وكل ما مضي صار وانا لليوم ماني عارف وش قصة راعي التاكسي وزبونه اللي انغسل شراعه .. واليوم بالكويت وعقب كل هالسنين (الله على ايام الشباب) قمت اشوف بام عيني سالفة اللي نخوة راعي التاكسي يحب النبي يضرب ياقدعان برياضتنا المحلية اللي اخذت دور الزبون لان الكل صار يضرب فيها من مسئولينها واهلها والقائمين عليها والحكومة ومجلس الامة (اتقوا الله بالشباب) ورجل الشارع من هواة ومحترفين والاتحادات الدولية واللجان الاولمبية  القارية والعالمية والصحافة والتلفزيون والبرامج الرياضية الاذاعية والفضائية وحتي اللي مايعرف بالرياضة قام يفتي فيها وهو يقول ليش الكرة مدورة ماهي مربعه ؟ .. يعني صارت على كل لأسان ايه ليش ؟ ..  الله واعلم ! .. مادري هل هو حب لها او حب التسلق من وراها ؟ .. والله شي يحير وضع رياضتنا  ! .. الناس تتطور وحنا على اتفه سبب خلينا شعارنا اللي يحب النبي يضرب ياقدعان .
ألووو اخير : بدل ما اقول لغيرى يا سيدي .. اقضي حاجتي بإيدي .

لتحميل تطبيق جريدة الرياضي

لنظام اجهزة اندرويد

لنظام اجهزة ايفون وايباد

 

الاكثر مشاهدة