الرئيسيةكتاب الصحف اليوميةمحمد خلف الشمري : من استرخص اللحمه خانت فيه المرقه

محمد خلف الشمري

من استرخص اللحمه خانت فيه المرقه

قبل لا ادخل بالموضوع خلونا نعرج على الايثار .. والايثار معناه هو ان يقدم الانسان حاجة غيره على حاجته برغم احتياجه لما يبذله فقد يجوع ليشبع غيره ويعطش ليروي سواه .. وسواه هو بيت القصيد وبداية مشوار المقالة لان حنا الماسوف علينا سواه لان حنا  انوعدنا بالعذاب مع ازرقنا وازيرقنا وطاططوط والمتكتك من كم سنه لانه دايما بالجراح واعدنا وعمرنا خلال هالاربع سنوات ما شفنا معاه فرحه كل مرة يرجع لنا المشوار بجرح .. واخر الجروح هو جرح الشقيق العمانى اللي غرس خنجره بخاصرت منتخبنا ماهي مره ولا ثالث بلا خمس مرات وحصوه بعين اللي مايصلي على النبي .. هالخساره هي الموجعه واللي اعتقد ما وراها قومة في ظل وجود هالاتحاد الهمام وانا اليوم ما راح اطالبهم بالاستقالة مثل كل مره عند اي اخفاق لان ماكو فايدة لانهم راح يسون اللي برؤوسهم رضينا او انرضينا .. ولهذا راح نتركهم بالمشاكل اللي طلعت لهم بالدورة لان هي السبب باللي حصل لنا من اخفاق واخص بالذكر الحكم الاسترالي بنيامين (غيره) واللجنة المنظمة اللي سحبت هوية منسقنا .. (غيره) وكذلك احمل الكاس المئولية لانه هو من يبحث عنا مو حنا اللي نبحث عنه .. (غيره) وبعد ما اعفي ماضينا الجميل لبطولات الخليج من المسئولية .. وابشر اعضاء الاتحاد من اليوم ان حنا مانبي كاس اسيا ولا غيره لان حنا نبي الستر .. يعني انتم براءة وحنا السبب ولهذا اقترح ان حنا كجماهير ان نهجر تشجيع منتخبنا وكل واحد يدور له منتخب يشجعه لين الله يصلح الحال واللي ماهو متقبل الامر انصحه باعتزال التشجيع قبل لاتطير جبهته  .. وبالاخير حنا اسفين يا اتحاد وحقك علينا على ازعاجك بحبنا ولا ترحل لان ان رحلت من عقبك نضيع وراح نفوز ونحقق البطولات .. واحسن لنا حنا اللي نرحل  وسلامتكم .

ألووو اخير : لا يمكن ان تزدهر في الرياضة وتتخلف في السياسة والاقتصاد والفنون والاداب .. واذا حدث ذلك فهو استثناء مؤقت فالحضارة كل لا يتجزأ . ( د . احمد الربعى)

 

لتحميل تطبيق جريدة الرياضي

لنظام اجهزة اندرويد

لنظام اجهزة ايفون وايباد

 

الاكثر مشاهدة