الرئيسيةقلم الجمهورمحمد خلف الشمري : نشوف المحل الثاني ونرجعلك !

محمد خلف الشمري

   نشوف المحل الثاني ونرجعلك !
الله اكبر بكل بساطه دارت عجلة المنافسات المحلية ببطولة كاس ولي العهد حفظه الله وكان شيئا لم يكن لاحول ولا قوة إلا بالله مالي اري الوزارة وابنتها هيئة هانم لا يبالون بالوضع ؟ .. يعني اللي صار لمنتخبنا شي عادي وبنظرهم ماهو فضيحة .. يايبه على قولت ابو سامي اللي حصل لمنتخبنا ياناس يامسؤولين ماصر مثله على مر تاريخ بطولة الخليج يا حبايبي الزعيم انغسل شراعه وتهزأ وانتم لليوم ساكتين .. الظاهر ان الاتحاد هو سيد الملعب وسوبر مايو وغرندايز وباقي ابطال المسلسلات الكارتونية والدليل محد قادر في ظل عدم مبالاتكم جن اللي صار عاجبكم ؟ .
قلنا ماعليه نبلعها ونصبر وكلنا امل باجتماع مجلس الوزراء خصوصا بعد ان تناثرت على رؤوسنا الاشاعات سابقة هطول المطر بساعات بان حلا وشيكا يلوح بالافق يرضي الشارع الرياضي الغاضب من هذه النكسة الكروية الغير مسبوقة .. ولكن هيهات هيهات لان المجلس ابى ان ينتصر لنا ويفرحنا باللي جابوا لنا الحزن الدائم من كم سنه .. لا مو معقول الحكومة هي الاخرى لاتبالي بنا باحزانا الرياضية اه ليتها ماناقشة موضوع هالاخفاق .. معقولة كل اللي يطلع منها هو تحميل مسئولية الاخفاق للاتحاد والجمعيات العمومية وينتظرون محاسبتها للاتحاد هي ناسيه ان الجمعيات العمومية شعارها منذ سنوات هو حاسب الوقت لاتحاسبني انا .. لانها معتمدة على نسيان الشارع الرياضي خلال ايام معدوده وهذي مو اخر مره والشواهد كثيره سابقا .. معقولة الحكومة لاتبالي بشعور وخيبات امل الشارع الرياضي باتحادها وكل اللي يصدر منها حاسبوا والا حنا سنتخذ تدابير واجراءات لحماية سمعة الكويت الرياضية .. ياجماعة اضربوا الحديد وهو ساخن لان الجمعيات العمومية ماعندها ماعند جدتي اقفل محضر الاجتماع باعطاء الاتحاد فرصة اخيرة .. والاخيرة ماهي بعيدة لانها راح تجي بعد شهرين ومره ثانية تطيح الفاس بالراس بفضيحة جديدة (الله يستر ) بنهائيات كاس اسيا المقبلة .. انا اقول واقترح عليكم بان توقفون الاتحاد وخلو الفيفا توقفنا لين ينصلح حال منتخبنا ورياضتنا .. حتي لو تطلب الامر سنوات كل شي ولا سمعتنا الرياضية وعلى الاقل بفترة الايقاف نعد جيل جديد قادر على حمل لواء الدفاع عن الكرة الكويتية من جديد وسلامتكم .
..
ألووو اخير : جملة سنتخذ تدابير واجراءات هي نفسها نفسها نشوف المحل الثاني ونرجعلك اختلاف الموقف والتصريفة وحده .

لتحميل تطبيق جريدة الرياضي

لنظام اجهزة اندرويد

لنظام اجهزة ايفون وايباد

 

الاكثر مشاهدة