الرئيسيةكتاب الصحف اليوميةمحمد خلف الشمري : ياليت كل واحد يخلي باله من كيانه !...

.محمد خلف الشمري 

عالم اليوم :

ياليت كل واحد يخلي باله من كيانه ! .

– نعيب على الناس والعيب فينا هذا هو العنوان الابرز لاجتماع الجمعية العمومية لاتحاد كرة القدم الكويتي الذي رفع عدد اندية الكويت من 14 نادي الي 16 نادي ورفض اعتماد ناديين بحجة عدم اكتمال الكيان .. كيان ايه يابو كيان اشوف رديتو لسوالف الاتحاد الاسيوي اللي كنتو تعيبون عليهم بعدم اعتماد انديتنا باللعب بدوري المحترفين بحجة الكيان اللي نسمع عنه ومحنا عارفين هو شنهو هل هو مثلا بقالة متنقلة او سطحة لنقل السيارات المسكربه ؟ .. اشوف هالكيان شماعه الكل صار يعلق عليها (هدومه) رفضه لشي ما .. بالله ماتقولون لي هالكيان وينه عن اعتمادكم لناديين للفتيات والا السالفة سالفة كسب اصوات لمجلس الاتحاد .. حقيقي بطلو ده واسمعو هذاك ! .. ايعقل اللي سويتوه تعتمدون ناديين مالهم علاقة بكرة القدم الرجالة على حساب ناديين يجهزون فرقهم ؟ .. اخاف السالفة ومافيها لي ذراع وقرصة اذن علشان الاندية تمشي على عجين ماتلخبطوش ! .. اقول من الاخر اتركوا هالمهاترات واعملو للصالح العام كفاية ضياع لرياضتنا وكرتنا الدايخه وسلامتكم .

***

– الهيئة العامة للشباب والرياضة تهدد الاندية بايقاف الدعم المالي وخصوصا الاندية التي عندها مخالفات مالية وكمان (ننا ) ستدعو الى عقد جمعية غير عادية للنظر في هذا الامر وذلك تماشيا مع التعديلات الجديدة على قوانين الرياضة .. والله خوش هيئة انت والله رايقه وفايقه وبالك طويل عليهم .. يعني ماكفانا كل هالسنين من الضياع وللحين تعطينهم فرصة .. ياجماعة الخير يا اهل الهيئة اضربوا بيد من حديد وقفلوا كل المواضيع العالقة منذ سنوات .. شنهو انتم ناسين انكم اصحاب الامر والاندية هي اللي محتاجتكم وتحت امركم يعني من الاخر حمروا العين عليهم واللي عليه شبه حيلوه للقضاء وجيبوا غيرهم لان الكويت وانديتها مو واقفه عليهم وسلامتكم .

ألووو اخير : عجيب امر الاتحاد الاسيوي يعطي جائزة احسن لاعب ببطولة كاس الاتحاد لسيف الحشان .. وعقبها بكم يصدر النشره الاولية للافضل باسيا مافيها لا سيف ولا اي واحد من الكويت اكيد فيه حاجه غلط ؟ .. اخاف الكيان هو السبب ! .

لتحميل تطبيق جريدة الرياضي

لنظام اجهزة اندرويد

لنظام اجهزة ايفون وايباد

 

الاكثر مشاهدة