الرئيسيةكتاب الرياضيمحمد خلف : عنز لو طارت !

محمد خلف

عنز لو طارت !

كان يامكان في قديم الزمان وسالف العصر والأوان حوشكم حرير وحوشنا ياقوت ومرجان  وحوش العدو جرابيع وفيران ! .. نخوش بالموضوع طلبت زوجة من زوجها انه يروح للسوق علشان يبيع بطه ( غير بطتكم بطت بطن بطتنا ) ! .. وقالت له يازوجي الحبيب ان سألوك وش تبيع ؟ .. قل لهم ابيع هالعنز حتى لو طارت البطه جدام عيونهم ! .. ما اطولها عليكم قول طول حط البطه بحضنه الدافئ وراح للسوق ! ..  يوم انه وصل للسوق ساله واحد تبيع سيارتك قصدي بطتك ؟..  جاوبه وهو زعلان هذي عنز ماهي بطه ! .. ومع تكرار المشهد كثير تجمع الناس حولين الرجل يحاولون إقناعه ان اللي معاه بطه ماهي عنز لكنه صامل على انها عنز ! .. وهم بين شد وجذب بسالفتهم جاهم حكيم القرية وقال له دام انك تقول عن البطه عنز ؟ .. شوف وش راح أسوى فيها !.. مسك الحكيم البطه وحذفها بالهواء فطارت أمام الجميع ! .. عندها قال الحكيم شوف البطه يا أبو الفهاميه وشلون تطير ؟ .. لو انها عنز مثل ماتقول جان ما طارت ! .. فأجابه الرجل بإصرار وهو متمسك برأيه  هي عنز لو طارت ! .
وسالفة عنز لو طارت اقرب وصف لحال رياضتنا المحلية ! .. حنا ماصدقنا ان الإيقاف الرياضي الدولي رفع عنها .. جت الهيئة بإصرار راعي البطه ووقفتها بحجة انتشار مرض الكورونا مع العلم ان اغلب دول الجوار لا زالت تمارس الرياضة بجماهير ومن غير جماهير ! .

 

لتحميل تطبيق جريدة الرياضي

لنظام اجهزة اندرويد

لنظام اجهزة ايفون وايباد

 

الاكثر مشاهدة