الرئيسيةكتاب الرياضيمحمد خلف : مايهذري المهذري الا من حر السخونه.

 

 

محمد خلف

 مايهذري المهذري الا من حر السخونه.

على خلفية تصريح المنسق الإعلامي لنادي الكويت الذي قال ان ماحدث بمباراة فريقك امام العربي تعد للأسف فضيحة تحكيمية .. تو الناس وينكم عن هالكلام من اول الموسم او الموسم اللي طاف يوم كانت كل الفرق تشتكي من التحكيم ايام ماكنتوا بالصدارة وكنتو أيامها أنتم المستفيدون الوحيدون من مشاكل التحكيم واتحاده .. وان كنت ناسي حفكرك اول شي ارجعوا لشرائط مباريات الفريق وشوفوا اُسلوب وتصرفات لاعبي الفريق مع الحكام راح تجدونها كلها استعلاء واستكبار على حكام المباريات بعدم تقبلهم لأغلب صافرات الحكام وهو ما شاهدناه بحركات اليدين والصراخ عليهم والله شي عجيب شنهو اللي جد بالموضوع ؟ .. وحتي ما اترك مجال للتكهنات أنا راح اقول اللي حصل ياسادة ياكرام كل هذا بعد ابتعاد القادسية بالصدارة عن فريقهم اللي ماهو في مستواه هذا الموسم لأسباب لايعلمها الا الله وإدارة الفريق يعني الحكام من وجهة نظري براءة لأنهم بشر وحكمهم على الأحداث بسير المباريات باقل من ثانية والأخطاء واردة بالمباريات لكل الفرق يعني موضوع التحكيم ماهو شي جديد ! .. واحقاقا للحق لا يجب تحميل القادسية الأسباب لان فريقهم هالسنه غير على الرغم من المشاكل الكثيرة بإدارته وكل هذا بفضل من الله ومن ثم وقفة مشجعين الفريق الذين وقفوا وقفت رجل واحد خلف الفريق حتي يحقق بطولة الدوري من جديد .. يعني من الاخر الفريق لحد اليوم ماخذ حقه بذراع لاعبيه الأربعة وثلاثين لاعب اللي لعبوا هالموسم وجعل فالهم الناموس لان فزعة جماهيرهم مثال يحتذي فيه .. وفي الختام اقول مايهذري المهذري الا من حر السخونه ونصيحة ببلاش اتركوا اوهام الفضايح التحكيمية بعيد لان الميدان هو الفيصل وسلامتكم .

الووو اخير :اللي يأخذ المقصد بسوء نية تركبه جنية.

لتحميل تطبيق جريدة الرياضي

لنظام اجهزة اندرويد

لنظام اجهزة ايفون وايباد

 

الاكثر مشاهدة