الرئيسيةكتاب الرياضيمحمد خلف : معاهدة سلام بين النسر والديك !

معاهدة سلام بين النسر والديك !.

كان في ديك استلم له سلطة ويا سبحان الله سخر سلطته كلها على النسر يدور عليه الزله !،، كل ما شافه لته كف وخصومات يوم ليش لعبت فلان وانت ما سجلته ( خطاء اداري اول ) بالسكورشيت ؟.. صايح النسر وملى الدنيا صراخ وللاسف ما خذا لا حق ولا باطل من الديك المتسلط الامر اللي ضيع عليه البطولة !.. والسنه اللي وراها لته راشدي سمعه كل الناس وهو يقوله ليش علان ما سجلت اسمه بالقائمة ( خطاء اداري للمرة الثانية ) اللي عندي دامك معتمد عليه محترف يابو دم خفيف ؟.. للسنة الثاني على التوالي ملى الدنيا زعيق ونياح وهو يقسم بالله انا مسجلة !.. انا فدا ذَا اللحية لاتخصم على ولا نقطه هالمرة !.. ادري انك سجلته بس بعد شنهو عقب ما طارت الطيور بأرزاقها ؟.. بس ولا يهمك راح ارفع امرك للاسد ملك الغابة لعله يحكملك باللي يرضيك !.. رفع الديك شكوى مستعجلة للاسد بحيثيات مشكلة الطراق الأخير .. جاه الرد من الأسد انا مالي شغل انا طالبك يا عّم ديك انك تطلعني من السالفة لان عندك كل القوانين !.. ما كذب خبر الديك وراح لات النسر كف عسماوي مع خصم وهو يقوله خل نفسك عزيزة دوم بالك تذلها .. ولا تطلب الحاجات الا من اَهلها .. وللاسف لا النسر ولا أدارته قاموا باي اجراء من استقالة او اقالة بعد ان ضاع حلم البطولة للسنة الثالثة !.. كان وضع الراشديات عاجبهم وهاردلك كبيرة لامة النسر الكبيرة !.. وبهذا رد الديك الطراق طراقين لكل من تسول له نفسه بان يعارض صياح الديك ودجاجه وباقي الطيور المتصيدة لأي زلة من النسر !.. وفي الختام اقترح على النسر عمل معاهدة سلام مع الديك مدام ماعندك القدرة بالمواجهة وسلامتكم .

محمد خلف

لتحميل تطبيق جريدة الرياضي

لنظام اجهزة اندرويد

لنظام اجهزة ايفون وايباد

 

الاكثر مشاهدة