الرئيسيةكتاب الرياضيمحمد خلف :يارب محد يزعل !.

محمد خلف

يارب محد يزعل !.
على بركة الله تدربحت كورتنا ( ليتها ماتدربحت ) بعد استراحة الصيف الطويلة وكانت البداية بأهم بطولات الموسم وهي مسابقة الدوري الممتاز ابو خمس محترفين سكه ( الكود منهم على ربع ) !.. وبعد نهاية الأسبوع الاول ما راح أتكلم عن مستويات الفرق لان حنا لسا بنقول يا هادي يابو سلامه .. كلامي راح اخصصه واوجه لعدت نقاط شفتها اولا غياب الفار التلفزيوني عن بعض المباريات وأقول للجنة المسابقات ان كانت ليست لديكم القدرة على تخصيص الفار ( ارجع لمباراة القادسية والتضامن ) لكل المباريات بلها فار من اصله ؟.. لان من الغير المعقول ينطبق على مباريات دون الآخري وهذا غير عادل للفرق !.. التى تتمنى  ان تكون جميع حظوظها متساوية بالحلو والشين  !.. وأما ثانيا فهو موجه للنقل التلفزيوني وما يصاحبه من تعليق وتحليل !.. التعليق حدث ولا حرج بعض المعلقين اصواتهم يدوب تسمعها وعند ضياع فرصة او تسجيل هدف يتغير الحال الي صهيل خيل الامر اللي يخليك تسكر التلفزيون من لجته اللي نزلت مره وحده بعد سكون !.. هذا غير نطق اسماء المحترفين غلط ومثل على ذلك لاعب القادسية رشيد صوماليا واحد الله يهديه ينطقه رشيدي صوماليا واتوقع بعد كم مباراة راح يسميه رشيدي يكينى !.. هذا غير اللي يسولف بسوالف من نسج خياله !.. وأما المحللين واستديوهم شي اخر حلاوه جنهم قاعدين بكراسي حلاق أطفال !.. وعلى فكرة المحللين ناس لهم كم سنه وهم يطلعون دون تطوير لمستواهم واحد يقول مافيه بالكويت محترف سوبر سوبر والثاني طلع لنا طلعت بقوله ان فريق القادسية مع مدربه الجديد داشين بحله ( فتحه على اللام لابارك الله بالجوع ) جديدة هالموسم هذا غيض من فيض واللي ماسمعه اعظم واعبر  و!.. ومن خلال هذه المقالة أرجوا من القناة الثالثة اختيار ناس صح الصح ويكفى مجاملات لناس ما عندها القدرة على تطوير نفسها كل هدفهم الترزز وبس !.. وبالختام اشمعنى مباراة الساحل والنصر مالها أستديو تحليل والا هى مش قد المقام ؟.. وسلامتكم ومعاها اعتذار لأي اساءت فهم .

لتحميل تطبيق جريدة الرياضي

لنظام اجهزة اندرويد

لنظام اجهزة ايفون وايباد

 

الاكثر مشاهدة